Cyfle i neidio nôl mewn amser i'r 40au!

Mae noson ffilm Pictiwrs Paradiso yn dychwelyd gyda digwyddiad ffilm bendigedig arall i chi. Ar nos Fercher, 6ed Chwefror byddwn ni'n cynnal dangosiad o The Maltese Falcon, y ffilm dditectif noir hyfryd honno gyda Humphrey Bogart, yn amgylchedd atmosfferig Amgueddfa Ceredigion - hen sinema'r Coliseum!

Poster bendigedig. Werth mynd draw am squizz (gawd, heb ddefnyddio'r gair yna ers ysgol!).

Bydd Pictiwrs yn cynnal noson ffilmiau yn Abertawe nos Sadwrn yma. Dewch yn llu i weld y gorau o ffilmiau byrion Cymraeg.

Mae noson gyntaf tymor newydd Pictiwrs Paradiso yn ail gychwyn fis nesaf gyda'r clasur arswydus, one-off, bisâr, paganaidd, Albanaidd, naci-dim-pen-ôl-go-iawn-Britt-Eklund-ydi-hwnna - The Wicker Man.

Cyfle euraid i weld y clasur Nadoligaidd Y Dyn nath ddwyn y Dolig o gasgliad ffilmiau cynnar S4C. Ffilm gerddoriaeth o 1985 gan Caryl Parry Jones a Hywel Gwynfryn. Werth ei weld os jest am y gwalltiau a'r gwisgoedd!

'Mond eisiau eich atgoffa y bydd ffilm ddogfen Nia Dryhurst, Fel Arall yn cael ei ddangos ar S4C nos Fawrth yma am 9pm. Cafodd y ddogfen gryn sylw yn ystod Yr Wyl Ffilm Hoyw a Lesbaidd eleni, ac mae'r manylion ar wefan y rhaglen yn argoeli ffilm sensitif a dadlennol.

Mae Amnest Rhyngwladol yn cynnal dangosiad arbennig o'r ffilm, Phorpa (The Cup), yng nghanolfan Chapter Caerdydd, nos Sul yma.

Do, mae Pictiwrs wedi bod yn sniffian o gwmpas darnau preifat newyddiadurwyr er mwyn cael hwrjo ei hen ddigwyddiadau a syniadau ar fwy o bobol!

Wele'r rhaglen lawn isod. Cofiwch ddweud wrth eich ffrindiau!